Balak Gospel (Hebrew)

Yochanan 13-14
Joh 13:1 ולפני חג הפסח כשידע ישוע כי באה שעתו לעבר מן־העולם הזה אל־אביו כאשר אהב את בחיריו אשר בעולם כן אהבם עד־הקץ׃
Joh 13:2 ויהי בסעודת הערב והשטן נתן בלב יהודה בן־שמעון איש קריות למסרו׃
Joh 13:3 וידע ישוע כי נתן אביו את־הכל בידו וכי מאת אלהים בא ואל־אלהים ישוב׃
Joh 13:4 ויקם מעל השלחן ויפשט את־בגדיו ויקח מטפחת ויחגרה׃
Joh 13:5 ואחר יצק מים בכיור ויחל לרחץ את־רגלי תלמידיו ולנגב במטפחת אשר־הוא חגור בה׃
Joh 13:6 ויגש אל־שמעון פטרוס והוא אמר אליו אדני האתה תרחץ את־רגלי׃
Joh 13:7 ויען ישוע ויאמר אליו את אשר אני עשה אינך ידע כעת ואחרי־כן תדע׃
Joh 13:8 ויאמר אליו פטרוס לא־תרחץ את־רגלי לעולם ויען אתו ישוע אם־לא ארחץ אתך אין לך חלק עמי׃
Joh 13:9 ויאמר אליו שמעון פטרוס אדני לא את־רגלי לבד כי גם את־ידי ואת־ראשי׃
Joh 13:10 ויאמר אליו ישוע המרחץ אין־לו לרחץ עוד כי אם־את־רגליו כי כלו טהור הוא ואתם טהורים אך לא כלכם׃
Joh 13:11 כי ידע מי ימסריהו על־כן אמר לא כלכם טהורים׃
Joh 13:12 ויהי אחרי אשר־רחץ את רגליהם וילבש את־בגדיו וישב להסב ויאמר אליהם הידעתם מה הדבר אשר עשיתי לכם׃
Joh 13:13 אתם קראים־לי מורה ואדון והיטבתם אשר דברתם כי־אני הוא׃
Joh 13:14 לכן אם־אני המורה והאדון רחצתי את־רגליכם גם־אתם חיבים לרחץ איש את־רגלי אחיו׃
Joh 13:15 כי מופת נתתי לכם למען תעשו גם־אתם כאשר עשיתי לכם׃
Joh 13:16 אמן אמן אני אמר לכם אין העבד גדול מאדניו ואין השליח גדול משלחו׃
Joh 13:17 אם־ידעתם זאת אשריכם בעשותכם כן׃
Joh 13:18 לא על־כלכם דברתי יודע אני את־אשר בחרתי בהם אך למען ימלא הכתוב אוכל לחמי הגדיל עלי עקב׃
Joh 13:19 מעתה אני אמר לכם בטרם היותה למען תבא והאמנתם כי אני הוא׃
Joh 13:20 אמן אמן אני אמר לכם כי כל־המקבל את אשר אשלחהו אתי מקבל והמקבל אתי מקבל את־שלחי׃
Joh 13:21 ויהי ככלות ישוע לדבר הדברים האלה ויבהל ברוחו ויעד ויאמר אמן אמן אני אמר לכם כי אחד מכם ימסרני׃
Joh 13:22 ויביטו תלמידיו ויתמהו איש אל־רעהו כי נבוכו ולא ידעו על־מי דבר׃
Joh 13:23 ואחד מתלמידיו אשר ישוע אהבו מסב על־חיק ישוע׃
Joh 13:24 וירמז־לו שמעון פטרוס לדרש מי־הוא זה אשר דבר עליו׃
Joh 13:25 ויפל על־לב ישוע ויאמר אליו אדני מי הוא׃
Joh 13:26 ויען ישוע הנה זה הוא אשר־אטבל פרוסתי לתתה לו ויטבל את־פרוסתו ויתן אל־יהודה בן־שמעון איש קריות׃
Joh 13:27 ואחרי בלעו בא השטן אל־קרבו ויאמר אליו ישוע את אשר־תעשה עשה מהרה׃
Joh 13:28 ומן־המסבים לא־ידע איש על־מה דבר אליו כזאת׃
Joh 13:29 כי יש אשר חשבו כי־אמר אליו ישוע קנה־לנו צרכי החג או לתת לאביונים יען אשר כיס הכסף ביד יהודה׃
Joh 13:30 והוא בקחתו את־פרוסת הלחם מהר לצאת החוצה ולילה היה׃
Joh 13:31 הוא יצא וישוע אמר עתה נתפאר בן־האדם והאלהים נתפאר בו׃
Joh 13:32 הן האלהים נתפאר בו וגם יפארנו האלהים בעצמו ובמהרה יפארהו׃
Joh 13:33 בני עוד־מעט מזער אהיה עמכם אתם תבקשוני וכאשר אמרתי אל־היהודים כי אל־אשר אני הולך לא תוכלו לבוא שמה כן אני אמר אליכם עתה׃
Joh 13:34 מצוה חדשה אני נתן לכם אשר תאהבו אטש את־אחיו כאשר אהבתי אתכם כן גם־אתם איש את־אחיו תאהבון׃
Joh 13:35 בזאת ידעו כלם כי תלמידים אתם לי תשכן אהבה ביניכם׃
Joh 13:36 ויאמר אליו פטרוס אדני אנה תלך ויען אתו ישוע אל־אשר אני הולך שמה לא־תוכל עתה ללכת אחרי ואחרי־כן תלך אחרי׃
Joh 13:37 ויאמר אליו פטרוס מדוע לא־אוכל עתה ללכת אחריך הן־נפשי אתן בעד־נפשך׃
Joh 13:38 ויען אתו ישוע התתן נפשך בעד נפשי אמן אמן אני אמר בטרם יקרא התרנגל תכחש בי שלש פעמים׃
Joh 14:1 אל־יבהל לבבכם האמינו באלהים וגם בי האמינו׃
Joh 14:2 בבית אבי מדורות רבים ואם־לא כן הייתי אומר לכם הנני הלך להכין לכם מקום׃
Joh 14:3 והיה כי־הלכתי והכינותי לכם מקום שוב אשוב ולקחתי אתכם אלי למען תהיו גם־אתם באשר אני שם׃
Joh 14:4 וידעתם אנה אני הולך ואת־הדרך ידעתם׃
Joh 14:5 ויאמר אליו תומא אדני לא ידענו אנה אתה הלך ואיככה נדע את־הדרך׃
Joh 14:6 ויאמר אליו ישוע אנכי הדרך והאמת והחיים לא־יבא איש אל־האב בלתי על־ידי׃
Joh 14:7 לו־ידעתם אתי גם את־אבי ידעתם ומעתה ידעתם אתו וגם ראיתם אתו׃
Joh 14:8 ויאמר אליו פילפוס אדני הראנו נא את־האב ודי לנו׃
Joh 14:9 ויאמר אליו ישוע זה כמה ימים אנכי אתכם ואתה פילפוס הטרם תדעני הראה אתי ראה את־האב ולמה־זה תאמר הראנו את־האב׃
Joh 14:10 האינך מאמין כי אנכי באבי ואבי בי הדברים אשר אדבר אליכם לא־מנפשי אנכי דבר כי אבי השכן בקרבי הוא עשה את־המעשים׃
Joh 14:11 האמינו לי כי־אנכי באבי ואבי בי ואם־לא האמינו לי בגלל המעשים׃
Joh 14:12 אמן אמן אני אמר לכם המאמין בי יעשה גם־הוא את־המעשים אשר אנכי עשה וגדלות מאלה יעשה אל־אבי׃
Joh 14:13 וכל־אשר תשאלו בשמי אעשנו יכבד האב בבנו׃
Joh 14:14 כי־תשאלו דבר בשמי אני אעשנו׃
Joh 14:15 אם־אהבתם אתי את־מצותי תשמרו׃
Joh 14:16 ואני אשאלה מאבי והוא יתן לכם פרקליט אחר אשר־ישכן אתכם לנצח׃
Joh 14:17 את־רוח האמת אשר לא־יכל העולם להשיגו באשר לא יראהו ולא ידעהו ואתם ידעתם אתו כי־הוא שכן אתכם ויהיה בקרבכם׃
Joh 14:18 לא אעזבכם יתומים אבואה אליכם׃
Joh 14:19 עוד מעט והעולם לא יוסיף לראות אתי ואתם תראוני כי חי אני וגם־אתם חיה תחיו׃
Joh 14:20 והיה ביום ההוא ידוע תדעו כי־אני באבי ואתם בי ואני בכם׃
Joh 14:21 מי אשר מצותי אתו וישמר אתן הוא אשר אהב אתי ואהבי אהוב לאבי ואני אהבהו ואליו אתודע׃
Joh 14:22 ויאמר אליו יהודה והוא לא איש קריות אדני מה־לך כי תחפץ להתודע אלינו ולא לעולם׃
Joh 14:23 ויען ישוע ויאמר אליו איש כי יאהבני ישמר את־דברי ואבי יאהב אתו ונבואה אליו ונשים מעונתנו אצלו׃
Joh 14:24 ואשר לא יאהבני הוא לא ישמר את־דברי והדבר אשר שמעתם לא־שלי הוא כי אם־של־אבי אשר שלחני׃
Joh 14:25 את־אלה דברתי אליכם בעוד היותי עמכם׃
Joh 14:26 והפרקליט רוח הקדש אשר־ישלח אבי בשמי הוא ילמדכם את־כל ויזכיר את־כל אשר־הגדתי לכם׃
Joh 14:27 שלום אניחן לכם את־שלומי אתן לכם לא כאשר יתן העולם אנכי נתן לכם אל־יבהל לבבכם ואל־יחת׃
Joh 14:28 הלא שמעתם כי אמרתי אליכם אלך ואשובה אליכם לו אהבתם אתי כי־עתה תשמחו בהגידי לכם כי־הלך אני אל־האב כי אבי גדול ממני׃
Joh 14:29 ועתה הנה הגדתי זאת לכם בטרם היותה למען תבא ותאמינו׃
Joh 14:30 לא־ארבה עוד אמרים עמכם כי הנה בא שר העולם הזה ובי אין־לו כל׃
Joh 14:31 אך למען ידע העולם כי אהב אני את־אבי וכאשר צוני אבי כן אעשה קומו ונלכה מזה׃