Vayak'hel Haftarah (Hebrew)

Melachim Aleph 7:40-50
Melachim Aleph 7:40 ויעשׂ חירום את־הכירות ואת־היעים ואת־המזרקות ויכל חירם לעשׂות את־כל־המלאכה אשׁר עשׂה למלך שׁלמה בית יהוה׃
Melachim Aleph 7:41 עמדים שׁנים וגלת הכתרת אשׁר־על־ראשׁ העמדים שׁתים והשׂבכות שׁתים לכסות את־שׁתי גלת הכתרת אשׁר על־ראשׁ העמודים׃
Melachim Aleph 7:42 ואת־הרמנים ארבע מאות לשׁתי השׂבכות שׁני־טורים רמנים לשׂבכה האחת לכסות את־שׁתי גלת הכתרת אשׁר על־פני העמודים׃
Melachim Aleph 7:43 ואת־המכנות עשׂר ואת־הכירת עשׂרה על־המכנות׃
Melachim Aleph 7:44 ואת־הים האחד ואת־הבקר שׁנים־עשׂר תחת הים׃
Melachim Aleph 7:45 ואת־הסירות ואת־היעים ואת־המזרקות ואת כל־הכלים האהל אשׁר עשׂה חירם למלך שׁלמה בית יהוה נחשׁת ממרט׃
Melachim Aleph 7:46 בככר הירדן יצקם המלך במעבה האדמה בין סכות ובין צרתן׃
Melachim Aleph 7:47 וינח שׁלמה את־כל־הכלים מרב מאד מאד לא נחקר משׁקל הנחשׁת׃
Melachim Aleph 7:48 ויעשׂ שׁלמה את כל־הכלים אשׁר בית יהוה את מזבח הזהב ואת־השׁלחן אשׁר עליו לחם הפנים זהב׃
Melachim Aleph 7:49 ואת־המנרות חמשׁ מימין וחמשׁ משׂמאול לפני הדביר זהב סגור והפרח והנרת והמלקחים זהב׃
Melachim Aleph 7:50 והספות והמזמרות והמזרקות והכפות והמחתות זהב סגור והפתות לדלתות הבית הפנימי לקדשׁ הקדשׁים לדלתי הבית להיכל זהב׃