Noach (Hebrew)

B’reisheet 6:9 אלה תולדת נח נח אישׁ צדיק תמים היה בדרתיו את־האלהים התהלך־נח׃

B’reisheet 6:10 ויולד נח שׁלשׁה בנים את־שׁם את־חם ואת־יפת׃

B’reisheet 6:11 ותשׁחת הארץ לפני האלהים ותמלא הארץ חמס׃

B’reisheet 6:12 וירא אלהים את־הארץ והנה נשׁחתה כי־השׁחית כל־בשׂר את־דרכו על־הארץ׃

B’reisheet 6:13 ויאמר אלהים לנח קץ כל־בשׂר בא לפני כי־מלאה הארץ חמס מפניהם והנני משׁחיתם את־הארץ׃

B’reisheet 6:14 עשׂה לך תבת עצי־גפר קנים תעשׂה את־התבה וכפרת אתה מבית ומחוץ בכפר׃

B’reisheet 6:15 וזה אשׁר תעשׂה אתה שׁלשׁ מאות אמה ארך התבה חמשׁים אמה רחבה ושׁלשׁים אמה קומתה׃

B’reisheet 6:16 צהר תעשׂה לתבה ואל־אמה תכלנה מלמעלה ופתח התבה בצדה תשׂים תחתים שׁנים ושׁלשׁים תעשׂה׃

B’reisheet 6:17 ואני הנני מביא את־המבול מים על־הארץ לשׁחת כל־בשׂר אשׁר־בו רוח חיים מתחת השׁמים כל אשׁר־בארץ יגוע׃

B’reisheet 6:18 והקמתי את־בריתי אתך ובאת אל־התבה אתה ובניך ואשׁתך ונשׁי־בניך אתך׃

B’reisheet 6:19 ומכל־החי מכל־בשׂר שׁנים מכל תביא אל־התבה להחית אתך זכר ונקבה יהיו׃

B’reisheet 6:20 מהעוף למינהו ומן־הבהמה למינה מכל רמשׂ האדמה למינהו שׁנים מכל יבאו אליך להחיות׃

B’reisheet 6:21 ואתה קח־לך מכל־מאכל אשׁר יאכל ואספת אליך והיה לך ולהם לאכלה׃

B’reisheet 6:22 ויעשׂ נח ככל אשׁר צוה אתו אלהים כן עשׂה׃

B’reisheet 7:1 ויאמר יהוה לנח בא־אתה וכל־ביתך אל־התבה כי־אתך ראיתי צדיק לפני בדור הזה׃

B’reisheet 7:2 מכל הבהמה הטהורה תקח־לך שׁבעה שׁבעה אישׁ ואשׁתו ומן־הבהמה אשׁר לא טהרה הוא שׁנים אישׁ ואשׁתו׃

B’reisheet 7:3 גם מעוף השׁמים שׁבעה שׁבעה זכר ונקבה לחיות זרע על־פני כל־הארץ׃

B’reisheet 7:4 כי לימים עוד שׁבעה אנכי ממטיר על־הארץ ארבעים יום וארבעים לילה ומחיתי את־כל־היקום אשׁר עשׂיתי מעל פני האדמה׃

B’reisheet 7:5 ויעשׂ נח ככל אשׁר־צוהו יהוה׃

B’reisheet 7:6 ונח בן־שׁשׁ מאות שׁנה והמבול היה מים על־הארץ׃

B’reisheet 7:7 ויבא נח ובניו ואשׁתו ונשׁי־בניו אתו אל־התבה מפני מי המבול׃

B’reisheet 7:8 מן־הבהמה הטהורה ומן־הבהמה אשׁר איננה טהרה ומן־העוף וכל אשׁר־רמשׂ על־האדמה׃

B’reisheet 7:9 שׁנים שׁנים באו אל־נח אל־התבה זכר ונקבה כאשׁר צוה אלהים את־נח׃

B’reisheet 7:10 ויהי לשׁבעת הימים ומי המבול היו על־הארץ׃

B’reisheet 7:11 בשׁנת שׁשׁ־מאות שׁנה לחיי־נח בחדשׁ השׁני בשׁבעה־עשׂר יום לחדשׁ ביום הזה נבקעו כל־מעינות תהום רבה וארבת השׁמים נפתחו׃

B’reisheet 7:12 ויהי הגשׁם על־הארץ ארבעים יום וארבעים לילה׃

B’reisheet 7:13 בעצם היום הזה בא נח ושׁם־וחם ויפת בני־נח ואשׁת נח ושׁלשׁת נשׁי־בניו אתם אל־התבה׃

B’reisheet 7:14 המה וכל־החיה למינה וכל־הבהמה למינה וכל־הרמשׂ הרמשׂ על־הארץ למינהו וכל־העוף למינהו כל צפור כל־כנף׃

B’reisheet 7:15 ויבאו אל־נח אל־התבה שׁנים שׁנים מכל־הבשׂר אשׁר־בו רוח חיים׃

B’reisheet 7:16 והבאים זכר ונקבה מכל־בשׂר באו כאשׁר צוה אתו אלהים ויסגר יהוה בעדו׃

B’reisheet 7:17 ויהי המבול ארבעים יום על־הארץ וירבו המים וישׂאו את־התבה ותרם מעל הארץ׃

B’reisheet 7:18 ויגברו המים וירבו מאד על־הארץ ותלך התבה על־פני המים׃

B’reisheet 7:19 והמים גברו מאד מאד על־הארץ ויכסו כל־ההרים הגבהים אשׁר־תחת כל־השׁמים׃

B’reisheet 7:20 חמשׁ עשׂרה אמה מלמעלה גברו המים ויכסו ההרים׃

B’reisheet 7:21 ויגוע כל־בשׂר הרמשׂ על־הארץ בעוף ובבהמה ובחיה ובכל־השׁרץ השׁרץ על־הארץ וכל האדם׃

B’reisheet 7:22 כל אשׁר נשׁמת־רוח חיים באפיו מכל אשׁר בחרבה מתו׃

B’reisheet 7:23 וימח את־כל־היקום אשׁר על־פני האדמה מאדם עד־בהמה עד־רמשׂ ועד־עוף השׁמים וימחו מן־הארץ וישׁאר אך־נח ואשׁר אתו בתבה׃

B’reisheet 7:24 ויגברו המים על־הארץ חמשׁים ומאת יום׃

B’reisheet 8:1 ויזכר אלהים את־נח ואת כל־החיה ואת־כל־הבהמה אשׁר אתו בתבה ויעבר אלהים רוח על־הארץ וישׁכו המים׃

B’reisheet 8:2 ויסכרו מעינת תהום וארבת השׁמים ויכלא הגשׁם מן־השׁמים׃

B’reisheet 8:3 וישׁבו המים מעל הארץ הלוך ושׁוב ויחסרו המים מקצה חמשׁים ומאת יום׃

B’reisheet 8:4 ותנח התבה בחדשׁ השׁביעי בשׁבעה־עשׂר יום לחדשׁ על הרי אררט׃

B’reisheet 8:5 והמים היו הלוך וחסור עד החדשׁ העשׂירי בעשׂירי באחד לחדשׁ נראו ראשׁי ההרים׃

B’reisheet 8:6 ויהי מקץ ארבעים יום ויפתח נח את־חלון התבה אשׁר עשׂה׃

B’reisheet 8:7 וישׁלח את־הערב ויצא יצוא ושׁוב עד־יבשׁת המים מעל הארץ׃

B’reisheet 8:8 וישׁלח את־היונה מאתו לראות הקלו המים מעל פני האדמה׃

B’reisheet 8:9 ולא־מצאה היונה מנוח לכף־רגלה ותשׁב אליו אל־התבה כי־מים על־פני כל־הארץ וישׁלח ידו ויקחה ויבא אתה אליו אל־התבה׃

B’reisheet 8:10 ויחל עוד שׁבעת ימים אחרים ויסף שׁלח את־היונה מן־התבה׃

B’reisheet 8:11 ותבא אליו היונה לעת ערב והנה עלה־זית טרף בפיה וידע נח כי־קלו המים מעל הארץ׃

B’reisheet 8:12 וייחל עוד שׁבעת ימים אחרים וישׁלח את־היונה ולא־יספה שׁוב־אליו עוד׃

B’reisheet 8:13 ויהי באחת ושׁשׁ־מאות שׁנה בראשׁון באחד לחדשׁ חרבו המים מעל הארץ ויסר נח את־מכסה התבה וירא והנה חרבו פני האדמה׃

B’reisheet 8:14 ובחדשׁ השׁני בשׁבעה ועשׂרים יום לחדשׁ יבשׁה הארץ׃

B’reisheet 8:15 וידבר אלהים אל־נח לאמר׃

B’reisheet 8:16 צא מן־התבה אתה ואשׁתך ובניך ונשׁי־בניך אתך׃

B’reisheet 8:17 כל־החיה אשׁר־אתך מכל־בשׂר בעוף ובבהמה ובכל־הרמשׂ הרמשׂ על־הארץ הוצא אתך ושׁרצו בארץ ופרו ורבו על־הארץ׃

B’reisheet 8:18 ויצא־נח ובניו ואשׁתו ונשׁי־בניו אתו׃

B’reisheet 8:19 כל־החיה כל־הרמשׂ וכל־העוף כל רומשׂ על־הארץ למשׁפחתיהם יצאו מן־התבה׃

B’reisheet 8:20 ויבן נח מזבח ליהוה ויקח מכל הבהמה הטהרה ומכל העוף הטהור ויעל עלת במזבח׃

B’reisheet 8:21 וירח יהוה את־ריח הניחח ויאמר יהוה אל־לבו לא־אסף לקלל עוד את־האדמה בעבור האדם כי יצר לב האדם רע מנעריו ולא־אסף עוד להכות את־כל־חי כאשׁר עשׂיתי׃

B’reisheet 8:22 עד כל־ימי הארץ זרע וקציר וקר וחם וקיץ וחרף ויום ולילה לא ישׁבתו׃

B’reisheet 9:1 ויברך אלהים את־נח ואת־בניו ויאמר להם פרו ורבו ומלאו את־הארץ׃

B’reisheet 9:2 ומוראכם וחתכם יהיה על כל־חית הארץ ועל כל־עוף השׁמים בכל אשׁר תרמשׂ האדמה ובכל־דגי הים בידכם נתנו׃

B’reisheet 9:3 כל־רמשׂ אשׁר הוא־חי לכם יהיה לאכלה כירק עשׂב נתתי לכם את־כל׃

B’reisheet 9:4 אך־בשׂר בנפשׁו דמו לא תאכלו׃

B’reisheet 9:5 ואך את־דמכם לנפשׁתיכם אדרשׁ מיד כל־חיה אדרשׁנו ומיד האדם מיד אישׁ אחיו אדרשׁ את־נפשׁ האדם׃

B’reisheet 9:6 שׁפך דם האדם באדם דמו ישׁפך כי בצלם אלהים עשׂה את־האדם׃

B’reisheet 9:7 ואתם פרו ורבו שׁרצו בארץ ורבו־בה׃

B’reisheet 9:8 ויאמר אלהים אל־נח ואל־בניו אתו לאמר׃

B’reisheet 9:9 ואני הנני מקים את־בריתי אתכם ואת־זרעכם אחריכם׃

B’reisheet 9:10 ואת כל־נפשׁ החיה אשׁר אתכם בעוף בבהמה ובכל־חית הארץ אתכם מכל יצאי התבה לכל חית הארץ׃

B’reisheet 9:11 והקמתי את־בריתי אתכם ולא־יכרת כל־בשׂר עוד ממי המבול ולא־יהיה עוד מבול לשׁחת הארץ׃

B’reisheet 9:12 ויאמר אלהים זאת אות־הברית אשׁר־אני נתן ביני וביניכם ובין כל־נפשׁ חיה אשׁר אתכם לדרת עולם׃

B’reisheet 9:13 את־קשׁתי נתתי בענן והיתה לאות ברית ביני ובין הארץ׃

B’reisheet 9:14 והיה בענני ענן על־הארץ ונראתה הקשׁת בענן׃

B’reisheet 9:15 וזכרתי את־בריתי אשׁר ביני וביניכם ובין כל־נפשׁ חיה בכל־בשׂר ולא־יהיה עוד המים למבול לשׁחת כל־בשׂר׃

B’reisheet 9:16 והיתה הקשׁת בענן וראיתיה לזכר ברית עולם בין אלהים ובין כל־נפשׁ חיה בכל־בשׂר אשׁר על־הארץ׃

B’reisheet 9:17 ויאמר אלהים אל־נח זאת אות־הברית אשׁר הקמתי ביני ובין כל־בשׂר אשׁר על־הארץ׃

B’reisheet 9:18 ויהיו בני־נח היצאים מן־התבה שׁם וחם ויפת וחם הוא אבי כנען׃

B’reisheet 9:19 שׁלשׁה אלה בני־נח ומאלה נפצה כל־הארץ׃

B’reisheet 9:20 ויחל נח אישׁ האדמה ויטע כרם׃

B’reisheet 9:21 וישׁת מן־היין וישׁכר ויתגל בתוך אהלה׃

B’reisheet 9:22 וירא חם אבי כנען את ערות אביו ויגד לשׁני־אחיו בחוץ׃

B’reisheet 9:23 ויקח שׁם ויפת את־השׂמלה וישׂימו על־שׁכם שׁניהם וילכו אחרנית ויכסו את ערות אביהם ופניהם אחרנית וערות אביהם לא ראו׃

B’reisheet 9:24 וייקץ נח מיינו וידע את אשׁר־עשׂה־לו בנו הקטן׃

B’reisheet 9:25 ויאמר ארור כנען עבד עבדים יהיה לאחיו׃

B’reisheet 9:26 ויאמר ברוך יהוה אלהי שׁם ויהי כנען עבד למו׃

B’reisheet 9:27 יפת אלהים ליפת וישׁכן באהלי־שׁם ויהי כנען עבד למו׃

B’reisheet 9:28 ויחי־נח אחר המבול שׁלשׁ מאות שׁנה וחמשׁים שׁנה׃

B’reisheet 9:29 ויהי כל־ימי־נח תשׁע מאות שׁנה וחמשׁים שׁנה וימת׃

B’reisheet 10:1 ואלה תולדת בני־נח שׁם חם ויפת ויולדו להם בנים אחר המבול׃

B’reisheet 10:2 בני יפת גמר ומגוג ומדי ויון ותבל ומשׁך ותירס׃

B’reisheet 10:3 ובני גמר אשׁכנז וריפת ותגרמה׃

B’reisheet 10:4 ובני יון אלישׁה ותרשׁישׁ כתים ודדנים׃

B’reisheet 10:5 מאלה נפרדו איי הגוים בארצתם אישׁ ללשׁנו למשׁפחתם בגויהם׃

B’reisheet 10:6 ובני חם כושׁ ומצרים ופוט וכנען׃

B’reisheet 10:7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃

B’reisheet 10:8 וכושׁ ילד את־נמרד הוא החל להיות גבר בארץ׃

B’reisheet 10:9 הוא־היה גבר־ציד לפני יהוה על־כן יאמר כנמרד גבור ציד לפני יהוה׃

B’reisheet 10:10 ותהי ראשׁית ממלכתו בבל וארך ואכד וכלנה בארץ שׁנער׃

B’reisheet 10:11 מן־הארץ ההוא יצא אשׁור ויבן את־נינוה ואת־רחבת עיר ואת־כלח׃

B’reisheet 10:12 ואת־רסן בין נינוה ובין כלח הוא העיר הגדלה׃

B’reisheet 10:13 ומצרים ילד את־לודים ואת־ענמים ואת־להבים ואת־נפתחים׃

B’reisheet 10:14 ואת־פתרסים ואת־כסלחים אשׁר יצאו משׁם פלשׁתים ואת־כפתרים׃

B’reisheet 10:15 וכנען ילד את־צידן בכרו ואת־חת׃

B’reisheet 10:16 ואת־היבוסי ואת־האמרי ואת הגרגשׁי׃

B’reisheet 10:17 ואת־החוי ואת־הערקי ואת־הסיני׃

B’reisheet 10:18 ואת־הארודי ואת־הצמרי ואת־החמתי ואחר נפצו משׁפחות הכנעני׃

B’reisheet 10:19 ויהי גבול הכנעני מצידן באכה גררה עד־עזה באכה סדמה ועמרה ואדמה וצבים עד־לשׁע׃

B’reisheet 10:20 אלה בני־חם למשׁפחתם ללשׁנתם בארצתם בגויהם׃

B’reisheet 10:21 ולשׁם ילד גם־הוא אבי כל־בני־עבר אחי יפת הגדול׃

B’reisheet 10:22 בני שׁם עילם ואשׁור וארפכשׁד ולוד וארם׃

B’reisheet 10:23 ובני ארם עוץ וחול וגתר ומשׁ׃

B’reisheet 10:24 וארפכשׁד ילד את־שׁלח ושׁלח ילד את־עבר׃

B’reisheet 10:25 ולעבר ילד שׁני בנים שׁם האחד פלג כי בימיו נפלגה הארץ ושׁם אחיו יקטן׃

B’reisheet 10:26 ויקטן ילד את־אלמודד ואת־שׁלף ואת־חצרמות ואת־ירח׃

B’reisheet 10:27 ואת־הדורם ואת־אוזל ואת־דקלה׃

B’reisheet 10:28 ואת־עובל ואת־אבימאל ואת־שׁבא׃

B’reisheet 10:29 ואת־אופר ואת־חוילה ואת־יובב כל־אלה בני יקטן׃

B’reisheet 10:30 ויהי מושׁבם ממשׁא באכה ספרה הר הקדם׃

B’reisheet 10:31 אלה בני־שׁם למשׁפחתם ללשׁנתם בארצתם לגויהם׃

B’reisheet 10:32 אלה משׁפחת בני־נח לתולדתם בגויהם ומאלה נפרדו הגוים בארץ אחר המבול׃

B’reisheet 11:1 ויהי כל־הארץ שׂפה אחת ודברים אחדים׃

B’reisheet 11:2 ויהי בנסעם מקדם וימצאו בקעה בארץ שׁנער וישׁבו שׁם׃

B’reisheet 11:3 ויאמרו אישׁ אל־רעהו הבה נלבנה לבנים ונשׂרפה לשׂרפה ותהי להם הלבנה לאבן והחמר היה להם לחמר׃

B’reisheet 11:4 ויאמרו הבה נבנה־לנו עיר ומגדל וראשׁו בשׁמים ונעשׂה־לנו שׁם פן־נפוץ על־פני כל־הארץ׃

B’reisheet 11:5 וירד יהוה לראת את־העיר ואת־המגדל אשׁר בנו בני האדם׃

B’reisheet 11:6 ויאמר יהוה הן עם אחד ושׂפה אחת לכלם וזה החלם לעשׂות ועתה לא־יבצר מהם כל אשׁר יזמו לעשׂות׃

B’reisheet 11:7 הבה נרדה ונבלה שׁם שׂפתם אשׁר לא ישׁמעו אישׁ שׂפת רעהו׃

B’reisheet 11:8 ויפץ יהוה אתם משׁם על־פני כל־הארץ ויחדלו לבנת העיר׃

B’reisheet 11:9 על־כן קרא שׁמה בבל כי־שׁם בלל יהוה שׂפת כל־הארץ ומשׁם הפיצם יהוה על־פני כל־הארץ׃

B’reisheet 11:10 אלה תולדת שׁם שׁם בן־מאת שׁנה ויולד את־ארפכשׁד שׁנתים אחר המבול׃

B’reisheet 11:11 ויחי־שׁם אחרי הולידו את־ארפכשׁד חמשׁ מאות שׁנה ויולד בנים ובנות׃

B’reisheet 11:12 וארפכשׁד חי חמשׁ ושׁלשׁים שׁנה ויולד את־שׁלח׃

B’reisheet 11:13 ויחי ארפכשׁד אחרי הולידו את־שׁלח שׁלשׁ שׁנים וארבע מאות שׁנה ויולד בנים ובנות׃

B’reisheet 11:14 ושׁלח חי שׁלשׁים שׁנה ויולד את־עבר׃

B’reisheet 11:15 ויחי־שׁלח אחרי הולידו את־עבר שׁלשׁ שׁנים וארבע מאות שׁנה ויולד בנים ובנות׃

B’reisheet 11:16 ויחי־עבר ארבע ושׁלשׁים שׁנה ויולד את־פלג׃

B’reisheet 11:17 ויחי־עבר אחרי הולידו את־פלג שׁלשׁים שׁנה וארבע מאות שׁנה ויולד בנים ובנות׃

B’reisheet 11:18 ויחי־פלג שׁלשׁים שׁנה ויולד את־רעו׃

B’reisheet 11:19 ויחי־פלג אחרי הולידו את־רעו תשׁע שׁנים ומאתים שׁנה ויולד בנים ובנות׃

B’reisheet 11:20 ויחי רעו שׁתים ושׁלשׁים שׁנה ויולד את־שׂרוג׃

B’reisheet 11:21 ויחי רעו אחרי הולידו את־שׂרוג שׁבע שׁנים ומאתים שׁנה ויולד בנים ובנות׃

B’reisheet 11:22 ויחי שׂרוג שׁלשׁים שׁנה ויולד את־נחור׃

B’reisheet 11:23 ויחי שׂרוג אחרי הולידו את־נחור מאתים שׁנה ויולד בנים ובנות׃

B’reisheet 11:24 ויחי נחור תשׁע ועשׂרים שׁנה ויולד את־תרח׃

B’reisheet 11:25 ויחי נחור אחרי הולידו את־תרח תשׁע־עשׂרה שׁנה ומאת שׁנה ויולד בנים ובנות׃

B’reisheet 11:26 ויחי־תרח שׁבעים שׁנה ויולד את־אברם את־נחור ואת־הרן׃

B’reisheet 11:27 ואלה תולדת תרח תרח הוליד את־אברם את־נחור ואת־הרן והרן הוליד את־לוט׃

B’reisheet 11:28 וימת הרן על־פני תרח אביו בארץ מולדתו באור כשׂדים׃

B’reisheet 11:29 ויקח אברם ונחור להם נשׁים שׁם אשׁת־אברם שׂרי ושׁם אשׁת־נחור מלכה בת־הרן אבי־מלכה ואבי יסכה׃

B’reisheet 11:30 ותהי שׂרי עקרה אין לה ולד׃

B’reisheet 11:31 ויקח תרח את־אברם בנו ואת־לוט בן־הרן בן־בנו ואת שׂרי כלתו אשׁת אברם בנו ויצאו אתם מאור כשׂדים ללכת ארצה כנען ויבאו עד־חרן וישׁבו שׁם׃

B’reisheet 11:32 ויהיו ימי־תרח חמשׁ שׁנים ומאתים שׁנה וימת תרח בחרן׃

B'reisheet (parsha) Gospel (Hebrew)

Mattithyahu 1-2

Mat 1:1 ספר תולדת ישוע המשיח בן־דוד בן־אברהם׃

Mat 1:2 אברהם הוליד את־יצחק ויצחק הוליד את־יעקב ויעקב הוליד את־יהודה ואת־אחיו׃

Mat 1:3 ויהודה הוליד את־פרץ ואת־זרח מתמר ופרץ הוליד את־חצרון וחצרון הוליד את־רם׃

Mat 1:4 ורם הוליד את־עמינדב ועמינדב הוליד את־נחשון ונחשון הוליד את־שלמון׃

Mat 1:5 ושלמון הוליד את־בעז מרחב ובעז הוליד את־עובד מרות ועובד הוליד את־ישי׃

Mat 1:6 וישי הוליד את־דוד המלך ודוד המלך הוליד את־שלמה מאשת אוריה׃

Mat 1:7 ושלמה הוליד את־רחבעם ורחבעם הוליד את־אביה ואביה הוליד את־אסא׃

Mat 1:8 ואסא הוליד את־יהושפט ויהושפט הוליד את־יורם ויורם הוליד את עזיהו׃

Mat 1:9 ועזיהו הוליד את־יותם ויותם הוליד את־אחז ואחז הוליד את־יחזקיהו׃

Mat 1:10 ויחזקיהו הוליד את־מנשה ומנשה הוליד את־אמון ואמון הוליד את־יאשיהו׃

Mat 1:11 ויאשיהו הוליד את־יכניהו ואת־אחיו לעת גלות בבל׃

Mat 1:12 ואחרי גלותם בבלה הוליד יכניהו את שאלתיאל ושאלתיאל הוליד את־זרבבל׃

Mat 1:13 וזרבבל הוליד את־אביהוד ואביהוד הוליד את־אליקים ואליקים הוליד את עזור׃

Mat 1:14 ועזור הוליד את־צדוק וצדוק הוליד את־יכין ויכין הוליד את־אליהוד׃

Mat 1:15 ואליהוד הוליד את־אלעזר ואלעזר הוליד את־מתן ומתן הוליד את־יעקב׃

Mat 1:16 ויעקב הוליד את־יוסף בעל מרים אשר ממנה נולד ישוע הנקרא משיח׃

Mat 1:17 והנה כל־הדרות מן־אברהם עד־דוד ארבעה עשר דרות ומן־דוד עד־גלות בבל ארבעה עשר דרות ומגלות בבל עד־המשיח ארבעה עשר דרות׃

Mat 1:18 וזה דבר הלדת ישוע המשיח מרים אמו היתה מארשה ליוסף ובטרם יבא אליה נמצאת הרה מרוח הקדש׃

Mat 1:19 ויוסף בעלה איש צדיק ולא אבה לתתה לחרפה ויאמר אשלחנה בסתר׃

Mat 1:20 הוא חשב כזאת והנה מלאך יהוה נראה אליו בחלום ויאמר יוסף בן־דוד אל־תירא מקחת את מרים אשתך כי הנוצר בקרבה מרוח הקדש הוא׃

Mat 1:21 והיא ילדת בן וקראת את־שמו ישוע כי הוא יושיע את־עמו מחטאתיהם׃

Mat 1:22 וכל־זאת היתה למלאת את־דבר יהוה אשר־דבר ביד הנביא לאמר׃

Mat 1:23 הנה העלמה הרה וילדת בן וקראו שמו עמנואל אשר פרושו האל עמנו׃

Mat 1:24 וייקץ יוסף משנתו ויעש כאשר צוהו מלאך יהוה ויאסף את־אשתו אל ביתו׃

Mat 1:25 ולא ידעה עד כי־ילדה בן (את־בכורה) ויקרא את־שמו ישוע׃

Mat 2:1 ויהי בימי הורדוס המלך כאשר נולד ישוע בבית־לחם יהודה ויבאו מגושים מארץ מזרח ירושלים׃

Mat 2:2 ויאמרו איה מלך היהודים אשר ילד כי ראינו את־כוכבו במזרח ונבא להשתחות לו׃

Mat 2:3 ויהי כשמע הורדוס המלך את־דבריהם ויחרד הוא וכל־ירושלים עמו׃

Mat 2:4 ויקהל את־כל־ראשי הכהנים וסופרי העם וישאל אתם לאמר איפה יולד המשיח׃

Mat 2:5 ויאמרו לו בבית־לחם יהודה כי־כן כתוב ביד הנביא׃

Mat 2:6 ואתה בית־לחם ארץ יהודה אינך צעיר באלפי יהודה כי ממך יצא מושל אשר ירעה את־עמי ישראל׃

Mat 2:7 אז קרא הורדוס למגושים בסתר ויחקר לדעת העת אשר נראה הכוכב׃

Mat 2:8 וישלחם בית־לחם ויאמר לכו חקרו היטב על־דבר הנער והיה כי־תמצאון אתו והגדתם לי ואבאה להשתחות־לו גם־אני׃

Mat 2:9 ויהי כשמעם את־דברי המלך וילכו והנה הכוכב אשר־ראו במזרח הלך לפניהם עד אשר־בא ויעמד ממעל לאשר־היה שם הילד׃

Mat 2:10 ויראו את־הכוכב וישמחו שמחה גדולה עד־מאד׃

Mat 2:11 ויבאו הביתה וימצאו את־הילד עם־מרים אמו ויפלו על־פניהם וישתחוו־לו ויפתחו את־אוצרותם ויקריבו לו מנחה זהב ולבונה ומר׃

Mat 2:12 ויצוו בחלום לבלתי שוב אל־הורדוס וילכו בדרך אחר אל־ארצם׃

Mat 2:13 הם הלכו משם והנה מלאך יהוה נראה אל־יוסף בחלום לאמר קום קח את־הילד ואת־אמו וברח־לך מצרימה והיה־שם עד־אם אמרתי אליך כי הורדוס מבקש את־נפש הנער לקחתה׃

Mat 2:14 ויקם ויקח את־הילד ואת־אמו לילה ויברח מצרימה׃

Mat 2:15 ויהי־שם עד מות הורדוס למלאת את־דבר יהוה ביד הנביא לאמר ממצרים קראתי לבני׃

Mat 2:16 וירא הורדוס כי התלו בו המגושים ויקצף מאד וישלח ויהרג את־כל־הילדים אשר בבית־לחם ובכל־גבוליה למבן־שנתים ולמטה לפי העת אשר חקר מפי המגושים׃

Mat 2:17 אז הוקם הנאמר בפי ירמיהו הנביא לאמר׃

Mat 2:18 קול ברמה נשמע נהי ובכי תמרורים רחל מבכה על־בניה מאנה להנחם על־בניה כי איננו׃

Mat 2:19 ויהי אחרי מות הורדוס והנה מלאך יהוה נראה בחלום אל־יוסף בארץ מצרים׃

Mat 2:20 ויאמר אליו קום קח את־הילד ואת־אמו ולך שוב אל־ארץ ישראל כי מתו המבקשים את־נפש הילד׃

Mat 2:21 ויקם ויקח את־הילד ואת־אמו ויבא ארצה ישראל׃

Mat 2:22 וכשמעו כי ארכלוס מלך ביהודה תחת הורדוס אביו ויירא ללכת שמה ויצוה בחלום וילך לו אל־ארצות הגליל׃

Mat 2:23 ויבא וישב בעיר הנקראת נצרת למלאת הדבר הנאמר על־פי הנביאים כי נצרי יקרא לו׃

B'reisheet (parsha) Gospel

Mattithyahu 1-2

Mat 1:1 The book of the genealogy of יהושע Messiah, Son of Dawiḏ, Son of Avraham:

Mat 1:2 Avraham brought forth Yitzchak, and Yitzchak brought forth Yaʽaqoḇ, and Yaʽaqoḇ brought forth Y’huḏah and his brothers.

Mat 1:3 And Y’huḏah brought forth Perets and Zeraḥ by Tamar, and Perets brought forth Ḥetsron, and Ḥetsron brought forth Ram.

Mat 1:4 And Ram brought forth Amminaḏaḇ, and Amminaḏaḇ brought forth Naḥshon, and Naḥshon brought forth Salmon.

Mat 1:5 And Salmon brought forth Boʽaz by Raḥaḇ, and Boʽaz brought forth Oḇĕḏ by Ruth, and Oḇĕḏ brought forth Yishai.

Mat 1:6 And Yishai brought forth Dawiḏ HaMelech, and Dawiḏ HaMelech brought forth Shelomoh by Uriyah’s wife.

Mat 1:7 And Shelomoh brought forth Reḥaḇʽam, and Reḥaḇʽam¹ brought forth Aḇiyah, and Aḇiyah brought forth Asa. Footnote: ¹His mother was an Ammorite - 1 Ki. 14:21,31.

Mat 1:8 And Asa brought forth Yehoshaphat, and Yehoshaphat brought forth Yoram, and Yoram brought forth Uzziyah.

Mat 1:9 And Uzziyah brought forth Yotham, and Yotham brought forth Aḥaz, and Aḥaz brought forth Ḥizqiyahu.

Mat 1:10 And Ḥizqiyahu brought forth Menashsheh, and Menashsheh brought forth Amon, and Amon brought forth Yoshiyahu.

Mat 1:11 And Yoshiyahu brought forth Yeḵonyah and his brothers at the time of the exile to Baḇel.

Mat 1:12 And after the exile to Baḇel, Yeḵonyah brought forth She’alti’ĕl, and She’alti’ĕl brought forth Zerubbaḇel.

Mat 1:13 And Zerubbaḇel brought forth Aḇihuḏ, and Aḇihuḏ brought forth Elyaqim, and Elyaqim brought forth Azor.

Mat 1:14 And Azor brought forth Tsaḏoq, and Tsaḏoq brought forth Aqim, and Aqim brought forth Elihuḏ.

Mat 1:15 And Elihuḏ brought forth Elʽazar, and Elʽazar brought forth Mattan, and Mattan brought forth Yaʽaqoḇ.

Mat 1:16 And Yaʽaqoḇ brought forth Yosĕph the father of Miryam, of whom was born יהושע who is called Moshiach.

Mat 1:17 So all the generations from Avraham to Dawiḏ were fourteen generations, and from Dawiḏ until the exile to Baḇel were fourteen generations, and from the exile to Baḇel until HaMoshiach were fourteen generations.

Mat 1:18 But the birth of יהושע HaMoshiach was as follows: After His mother Miryam was engaged to Yosĕph, before they came together, she was found to be pregnant from the Ruach HaKodesh.

Mat 1:19 And Yosĕph her husband, being righteous, and not wishing to make a show of her, had in mind to put her away secretly.

Mat 1:20 But while he thought about this, see, a messenger of יהוה appeared to him in a dream, saying, “Yosĕph, son of Dawiḏ, do not be afraid to take Miryam as your wife, for that which is in her was brought forth from the Ruach HaKodesh.

Mat 1:21 “And she shall give birth to a Son, and you shall call His Name יהושע for He shall save¹ His people from their sins.” Footnote: ¹This is the precise meaning of the Heḇrew of His Name.

Mat 1:22 And all this came to be in order to fill what was spoken by יהוה through the navi, saying,

Mat 1:23 “See, a maiden shall conceive, and she shall give birth to a Son, and they shall call His Name Immanu’ĕl,” which translated, means, “Ěl with us.”

Mat 1:24 And Yosĕph, awaking from his sleep, did as the messenger of יהוה commanded him and took his wife,

Mat 1:25 but knew her not until she gave birth to her Son, the first-born. And he called His Name יהושע.

Mat 2:1 And יהושע having been born in Bĕyth Leḥem of Y’huḏah in the days of Herodes HaMelech, see, Magi from the East came to Yerushalayim,

Mat 2:2 saying, “Where is He who has been born Sovereign of the Y’huḏim? For we saw His star in the East and have come to do reverence to Him.”

Mat 2:3 And Herodes HaMelech, having heard, was troubled, and all Yerushalayim with him.

Mat 2:4 And having gathered all the chief kohanim and scribes of the people together, he asked them where the Messiah was to be born.

Mat 2:5 And they said to him, “In Bĕyth Leḥem of Y’huḏah, for thus it has been written by the navi,

Mat 2:6 ‘But you, Bĕyth Leḥem, in the land of Y’huḏah, you are by no means least among the rulers of Y’huḏah, for out of you shall come a Ruler who shall shepherd My people Yisra’ĕl.’ ”¹ Footnote: ¹Mic. 5:2.

Mat 2:7 Then Herodes, having called the Magi secretly, learned exactly from them what time the star appeared.

Mat 2:8 And having sent them to Bĕyth Leḥem, he said, “Go and search diligently for the Child, and when you have found Him, bring back word to me, so that I too might go and do reverence to Him.”

Mat 2:9 And having heard the sovereign, they went. And see, the star which they had seen in the East went before them, until it came and stood over where the Child was.

Mat 2:10 And seeing the star, they rejoiced with exceedingly great joy.

Mat 2:11 And coming into the house, they saw the Child with Miryam His mother, and fell down and did reverence to Him, and opening their treasures, they presented to Him gifts of gold, and frankincense, and myrrh.

Mat 2:12 And having been warned in a dream that they should not return to Herodes, they departed for their own country by another way.

Mat 2:13 And when they had left, see, a messenger of יהוה appeared to Yosĕph in a dream, saying, “Arise, take the Child and His mother, and flee to Mitsrayim, and remain there until I bring you word, for Herodes is about to seek the Child to destroy Him.”

Mat 2:14 And rising up, he took the Child and His mother by night and departed for Mitsrayim,

Mat 2:15 and remained there until the death of Herodes, to fill what was spoken by יהוה through the prophet, saying, “Out of Mitsrayim I have called My Son.”¹ Footnote:¹Ex. 4:22-23, Hos. 11:1, Rev. 21:7

Mat 2:16 Then Herodes, having seen that he was fooled by the Magi, was greatly enraged, and he sent forth and slew all the male children in Bĕyth Leḥem and in all its borders, from two years old and under, according to the time which he had exactly learnt from the Magi.

Mat 2:17 Then was filled what was spoken by Yirmeyahu the navi, saying,

Mat 2:18 “A voice was heard in Ramah, wailing and weeping, and great mourning – Raḥĕl weeping for her children, refusing to be comforted, because they were no more.”

Mat 2:19 And Herodes having died, see, a messenger of יהוה appeared in a dream to Yosĕph in Mitsrayim,

Mat 2:20 saying, “Arise, and take the Child and His mother, and go into the land of Yisra’ĕl, for those seeking the life of the Child are dead.”

Mat 2:21 And rising up, he took the Child and His mother, and came into the land of Yisra’ĕl.

Mat 2:22 But hearing that Archelaos was reigning over Yehuḏah instead of his father Herodes, he was afraid to go there. And having been warned in a dream, he departed to the parts of Galil,

Mat 2:23 and came and dwelt in a city called Natsareth – thus to fill what was spoken by the Nevi'im, “He shall be called a Natsarene.”

B'reisheet (parsha) Haftarah (Hebrew)

Yeshayahu 42:5 - 43:10

Yeshayahu 42:5 כה־אמר האל יהוה בורא השׁמים ונוטיהם רקע הארץ וצאצאיה נתן נשׁמה לעם עליה ורוח להלכים בה׃

Yeshayahu 42:6 אני יהוה קראתיך בצדק ואחזק בידך ואצרך ואתנך לברית עם לאור גוים׃

Yeshayahu 42:7 לפקח עינים עורות להוציא ממסגר אסיר מבית כלא ישׁבי חשׁך׃

Yeshayahu 42:8 אני יהוה הוא שׁמי וכבודי לאחר לא־אתן ותהלתי לפסילים׃

Yeshayahu 42:9 הראשׁנות הנה־באו וחדשׁות אני מגיד בטרם תצמחנה אשׁמיע אתכם׃

Yeshayahu 42:10 שׁירו ליהוה שׁיר חדשׁ תהלתו מקצה הארץ יורדי הים ומלאו איים וישׁביהם׃

Yeshayahu 42:11 ישׂאו מדבר ועריו חצרים תשׁב קדר ירנו ישׁבי סלע מראשׁ הרים יצוחו׃

Yeshayahu 42:12 ישׂימו ליהוה כבוד ותהלתו באיים יגידו׃

Yeshayahu 42:13 יהוה כגבור יצא כאישׁ מלחמות יעיר קנאה יריע אף־יצריח על־איביו יתגבר׃

Yeshayahu 42:14 החשׁיתי מעולם אחרישׁ אתאפק כיולדה אפעה אשׁם ואשׁאף יחד׃

Yeshayahu 42:15 אחריב הרים וגבעות וכל־עשׂבם אובישׁ ושׂמתי נהרות לאיים ואגמים אובישׁ׃

Yeshayahu 42:16 והולכתי עורים בדרך לא ידעו בנתיבות לא־ידעו אדריכם אשׂים מחשׁך לפניהם לאור ומעקשׁים למישׁור אלה הדברים עשׂיתם ולא עזבתים׃

Yeshayahu 42:17 נסגו אחור יבשׁו בשׁת הבטחים בפסל האמרים למסכה אתם אלהינו׃

Yeshayahu 42:18 החרשׁים שׁמעו והעורים הביטו לראות׃

Yeshayahu 42:19 מי עור כי אם־עבדי וחרשׁ כמלאכי אשׁלח מי עור כמשׁלם ועור כעבד יהוה׃

Yeshayahu 42:20 ראית רבות ולא תשׁמר פקוח אזנים ולא ישׁמע׃

Yeshayahu 42:21 יהוה חפץ למען צדקו יגדיל תורה ויאדיר׃

Yeshayahu 42:22 והוא עם־בזוז ושׁסוי הפח בחורים כלם ובבתי כלאים החבאו היו לבז ואין מציל משׁסה ואין־אמר השׁב׃

Yeshayahu 42:23 מי בכם יאזין זאת יקשׁב וישׁמע לאחור׃

Yeshayahu 42:24 מי־נתן למשׁוסה יעקב וישׂראל לבזזים הלוא יהוה זו חטאנו לו ולא־אבו בדרכיו הלוך ולא שׁמעו בתורתו׃

Yeshayahu 42:25 וישׁפך עליו חמה אפו ועזוז מלחמה ותלהטהו מסביב ולא ידע ותבער־בו ולא־ישׂים על־לב׃

Yeshayahu 43:1 ועתה כה־אמר יהוה בראך יעקב ויצרך ישׂראל אל־תירא כי גאלתיך קראתי בשׁמך לי־אתה׃

Yeshayahu 43:2 כי־תעבר במים אתך־אני ובנהרות לא ישׁטפוך כי־תלך במו־אשׁ לא תכוה ולהבה לא תבער־בך׃

Yeshayahu 43:3 כי אני יהוה אלהיך קדושׁ ישׂראל מושׁיעך נתתי כפרך מצרים כושׁ וסבא תחתיך׃

Yeshayahu 43:4 מאשׁר יקרת בעיני נכבדת ואני אהבתיך ואתן אדם תחתיך ולאמים תחת נפשׁך׃

Yeshayahu 43:5 אל־תירא כי אתך־אני ממזרח אביא זרעך וממערב אקבצך׃

Yeshayahu 43:6 אמר לצפון תני ולתימן אל־תכלאי הביאי בני מרחוק ובנותי מקצה הארץ׃

Yeshayahu 43:7 כל הנקרא בשׁמי ולכבודי בראתיו יצרתיו אף־עשׂיתיו׃

Yeshayahu 43:8 הוציא עם־עור ועינים ישׁ וחרשׁים ואזנים למו׃

Yeshayahu 43:9 כל־הגוים נקבצו יחדו ויאספו לאמים מי בהם יגיד זאת וראשׁנות ישׁמיענו יתנו עדיהם ויצדקו וישׁמעו ויאמרו אמת׃

Yeshayahu 43:10 אתם עדי נאם־יהוה ועבדי אשׁר בחרתי למען תדעו ותאמינו לי ותבינו כי־אני הוא לפני לא־נוצר אל ואחרי לא יהיה׃